Biologiya 7-sinf

Aziz o‘quvchi!

Siz 1–6-sinflarda o‘qish mobaynida “Tabiiy fanlar” darslarida tabiat haqidagi

ko‘plab tushuncha va atama, qonuniyatlar bilan tanishdingiz. Bu yil siz yangi fan – biologiyani

o‘rganishni boshlaysiz. “Tabiiy fanlar” darslarida o‘zlashtirgan bilimingizni endi siz uchun

yangi fan – biologiya orqali takomillashtirib borasiz. Ushbu darslik esa bunda sizga

yordam beradi. Biologiya tirik organizmlarning tuzilishi va hayotiy faoliyati, xilmaxilligi, tarixiy

va individual rivojlanish qonuniyatlarini, shuningdek, insonning tirik tabiatga ta’sirini o‘rganadi.

Mazkur darslik yordamida siz biologiya darslarida va mustaqil ravishda bakteriyalar,

protoktistalar, zamburug‘lar va o‘simliklar, hayvonlarning tuzilishi va hayotiy faoliyatini,

ularning ko‘payish va rivojlanish xususiyatlari, tirik organizm turlarining xilma-xilligi, ularning

tabiat va inson hayotidagi ahamiyati haqida bilimlarga ega bo‘lasiz.

Darslikning har bir mavzusida berilgan “Muammoni aniqlaymiz” ruknida sizga taqdim

etilayotgan mavzuning asosiy mohiyatini tushunishga yordam beradigan topshiriq va savollar

keltirilgan.

Mavzuning “Yangi bilimlarni kashf etamiz” ruknida berilgan ma’lumotlar sizni yangi

bilimlar olamiga taklif etadi va siz yosh tadqiqotchi sifatida o‘zingiz uchun yangi bilimlarni

o‘rganasiz.

Mavzuning “Yangi bilimlarni qo‘llaymiz” rukni sizga biologik obyekt, hodisa, jarayonlarni

bilish va tushunish, bilimlarni qo‘llash, tahlil, sintez, baholash darajalaridagi topshiriqlarni taklif etadi.

Darslikda berilgan amaliy va laboratoriya mashg‘ulotlari tirik organizmlar tuzilishi va hayotiy jarayonlar

mohiyatini tushunish hamda bilimlarni qo‘llash, biologik muammolar yechimi uchun zarur qarorlarni

qabul qila olish ko‘nikmalarining shakllanishiga yordam beradi. Har bir video so‘ngida bilimlaringizni

mustahkamlashga qaratilgan test topshiriqlar berilgan.

🚀 Hoziroq ro‘yxatdan o‘ting va 2023-yilning eng muvaffaqiyatli talabalari jamoasiga qo‘shiling! 🚀

Darslikka to‘lov o‘tkazishdan avval bepul demo darsni ko‘rib, videokurs haqida kengroq tushuncha olishingiz mumkin.