Biologiya 6-sinf

Aziz oʻquvchilar! Ushbu darslikdan siz, tabiatda beqiyos oʻrin tutgan oʻsimliklar dunyosi bilan tanishasiz. Sizoʻsimliklar haqidagi dastlabki bilimlarni boshlangʻich sinflarda oʻrgangan «Atrofimizdagi olam», «Tabiatshunoslik» darslaridan bilib olgansiz. Bu darslarda olgan bilimlaringiz siz uchun yangi fan — biologiyaning bir boʻlimi boʻlgan botanikani yanada mukammalroq oʻrganishingizga yordam beradi.

Darslikning birinchi bobida botanikaning asosiy boʻlimlari, botanikaning rivojlanish tarixi, oʻsimliklarning tirikorganizm sifatida tabiatda va inson hayotidagi ahamiyati, ulardan oqilona foydalanish va muhofaza qilish usullari, o`simliklarning hayotiy shakllari haqida so`z boradi. Ikkinchi bobda oʻsimlik hujayrasining tuzilishi, hujayralarning hayotiy faoliyati va oʻsimlik to`qimalari bilan tanishasiz.

Darslikning uchinchi bobida gulli o`simliklarning vegetativ va generativ organlari, ularning tuzilishi va vazifalarini oʻrganasiz. Toʻrtinchi bobda gulli oʻsimliklarning hayotiy faoliyati — ularning oziqlanishi, nafas olishi, o`sishi, rivojlanishi, ko`payishi haqida so`z yuritiladi.

Yer yuzida oʻsimliklar qanchalik koʻp boʻlmasin, barchasining ilmiy nomi boʻlib, ularni farqlashning o`ziga xosusullari bor. Har bir davlatning ma'lum bir hududida oʻsadigan oʻsimligi, fan tili bilan aytganda florasi bor. Oʻsimliklar kelib chiqishi, o`xshashlik darajasi va tarixiy rivojlanishiga qarab ma'lum bir tartibga — sistemaga keltiriladi.

Bu haqdagi bilimlarni siz darslikning beshinchi bobida bilib olasiz. Har bir mavzudan keyin egallagan bilimlaringizni tekshirib koʻrishingiz uchun mustahkamlovchi savollar, topshiriqlar berilgan. Darslikdan oʻrin olgan amaliy ishlar, laboratoriya mashg`ulotlari va qoʻshimcha ma'lumotlar oʻsimliklar haqidagi bilimlaringizni kengaytiradi.

🚀 Hoziroq ro‘yxatdan o‘ting va 2023-yilning eng muvaffaqiyatli talabalari jamoasiga qo‘shiling! 🚀
Darslikka to‘lov o‘tkazishdan avval bepul demo darsni ko‘rib, videokurs haqida kengroq tushuncha olishingiz mumkin.