Kasb tanlashda yo‘l qo‘yiladigan 5 xato

1.  «Bu sohada ishlashim shart emas…»

Insonning birinchi olgan ta’limi, hayotida muhim burilish yasaydi. Shuning uchun kasb tanlay turib, diplomni qo‘lga olgach qaysi sohada faoliyat olib borishingiz haqida jiddiy o‘ylab, so‘ng bir qarorga keling.

2.   «Obro‘li kasb – eng zo‘ri»

Kelgusida shug‘ullanishni rejalashtirayotgan ishingizni uning obro‘siga, ommabopligiga emas, mamlakatning shu sohaga bo‘lgan ehtiyojiga qarab tanlagan ma’qul. Tengqurlaringizning 80 foizi o‘qigan yo‘nalish 10-15 yildan keyin sizga daromad keltiradimi? Yoki kadrlar ko‘pligidan ish topolmay eshikma-eshik yurishga to‘g‘ri kelarmikan? O‘ylab ko‘ring.

3.   «Do‘stim uchun»

 Bir qator yoshlar do‘sti, dugonasi yoki ko‘ngil qo‘ygan insonidan ayrilmaslik uchun biror kollej yoki liseyda o‘qishni istaydi. Yodingizda bo‘lsin bu sizning emas, ularning tanlovi! Do‘stingizga to‘g‘ri kelgan kasb sizga yoqmay qolishi mumkin. Qaror qabul qila turib, o‘z qiziqish va ehtiyojlaringiz bilan hisoblashing.

4.  «Bu kasb oson-da»

Chiroyli tashqi ko‘rinish, kelishga qaddi qomat bilan bir qarashda oson ko‘ringan aktyorlik yoki teleboshlovchilik kasbini tanlashingiz mumkin. Ammo kasbning yengili bo‘lmaydi, har bir yutuqqa mashaqqatlar bilan erishiladi bu hayotda. Masalan, telejurnalist 2 daqiqalik ma’lumotni efirga uzatish uchun naqt 2 kun ter to‘kib mehnat qilishi lozim. Siz bu jarayoni ko‘rmaganingiz uchungina oson deb o‘ylamang. 

5.  Yaxshi ko‘rgan fanim kasbga asos bo‘ladi

Masalan o‘quv fanlaridan chet tillarini yaxshi ko‘rasiz. Bu bilimingiz talab qilinadigan kasblar bisyor. Masalan, tarjimon, turizm mutaxassisi yoki tashqi ishlar mutaxassi bo‘lishingiz mumkin. Ammo bu kasblarda chet tillaridan tashqari boshqa bilimlar ham talab etiladi. Birgina yo‘nalish bilan chegaralanib qolmang.