I.M. Gubkin nomidagi universitetning Toshkent filialiga qabul kvotalari tasdiqlandi

O‘zbekiston Respublikasi Vazirlar Mahkamasining "2020/2021 o‘quv yili uchun I.M. Gubkin nomidagi Rossiya davlat neft va gaz universitetining Toshkent shahridagi filialiga qabul to‘g‘risida"gi VM-363-sonli qarori qabul qilindi. (08.06.2020 y.)

Qaror bilan 2020/2021 o‘quv yili uchun I.M. Gubkin nomidagi Rossiya davlat neft va gaz universitetining Toshkent shahridagi filialiga talabalarning qabul kvotasi belgilandi.

✅ Unga ko‘ra jami 345 o‘rin qabul kvotasi ajratildi:

👉 225 ta – kunduzgi taʼlim shakli bo‘yicha;

👉 120 ta – kechki taʼlim shakli bo‘yicha.

Filialga qabul kunduzgi taʼlim shakli yo‘nalishlari bo‘yicha 40 foizi – davlat granti, 60 foizi – to‘lov-kontrakt, kechki taʼlim yo‘nalishlari bo‘yicha esa to‘liq to‘lov-kontrakt asosida amalga oshiriladi.

Universitetning Qashqadaryo viloyatidagi hududiy tayyorlov bo‘linmasi bitiruvchilarini Filialga maqsadli qabul qilish, tayyorlov bo‘linmasi bitiruvchilari o‘rtasida o‘tkaziladigan alohida tanlov natijalari bo‘yicha amalga oshiriladi.

Tanlovdan o‘tmagan tayyorlov bo‘linmasi bitiruvchilari Filialga kirish uchun umumiy talablar asosida imtihon topshirish huquqiga ega.