O'Z
Все категории
Toshkent davlat iqtisodiyot universitetida “Oʼzbekiston Respublikasi oliy taʼlim tizimini 2030 yilgacha rivojlantirish kontseptsiyasini tasdiqlash toʼgʼrisida”gi PF-5847-sonli qaroriga ko’ra ustuvor vazifalarni bajarish hamda yuqori surʼatlarda rivojlanib borayotgan iqtisodiyotning turli soha va tarmoqlari uchun raqobatbardosh, zamonaviy bilim va koʼnikmalarga ega boʼlgan malakali iqtisodchi kadrlarni tayyorlash borasida bir qator amaliy ishlar bajarilmoqda. Ushbu qarordan kelib chiqib:
Toshkent davlat iqtisodiyot universiteti Аkademik litseyini muvaffaqiyatli tugatgan oʼquvchilarga bakalavriat bosqichiga oʼqishga kirish uchun test natijalarida olgan umumiy ballning 30 % miqdorida qoʼshimcha ball berish tartibini joriy etish;
2020/2021 o‘quv yilidan boshlab tashkil etiladigan “Narxoz”ning tayyorlov kurslari bitiruvchilari universitetga kirish sinovlarisiz to‘lov-kontrakt asosida qabul qilinadi. O‘quv kurslari tashkil etish va bajarilish muddati 2020 yil sentyabr qadar belgilangan;
Qarshi, Nukus va Urganchda Toshkent davlat iqtisodiyot universitetining filiallari ochilishi.
Bunda:
2022 yil Qarshi shahrida;
2023 yil Nukus shahrida;
2024 yil Urganch shahrida
Bu borada hududlarda kadrlarga bo‘lgan talabni o‘rganish, kadrlarga talab mavjud bo‘lgan hududlarda hokimliklar bilan kelishilgan holda normativ-huquqiy hujjatlarni tayyorlash, hokimliklar yordamida yillar kesimida universitet filiali tashkil etish uchun moddiy texnika bazasini yaratish, yillar kesimida hududlarda universitet filiallarida o‘quv jarayonini tashkil etish, davlat ta’lim standartlari, malaka talablari, o‘quv rejalari va fan dasturlarining loyihalarini ishlab chiqish hamda Oliy va o‘rta maxsus ta’lim vazirligiga kiritish rejalashtirilgan.
Qaror loyihasi amalga oshishida Oliy va o‘rta maxsus ta’lim vazirligi va Toshkent davlat iqtisodiyot universiteti ijro uchun mas’uldirlar.
Qaror loyihasi bilan batafsil tanishish uchun https://regulation.gov.uz/uz/document/14069