16 tilni biladigan odamdan 9 ta maslahat

Kato Lomb vengriyalik til dahosi va dunyodagi birinchi sinxron tarjimonlardan biri edi. Dastlab u fizika va kimyo fanlaridan ta’lim olgan, ammo ko'p o'tmay uning qiziqishi tilga nisbatan ekanligini sezdi. Kato bu tillarda bemalol gaplashib, texnik adabiyotlarni tarjima qila olgan. Uning so'zlariga ko'ra, u jami o'n olti tilda tarjimonlik qilib (bolgar, xitoy, danimarka, ingliz, fransuz, nemis, ibroniy, italyan, yapon, lotin, polyak, rumin, rus, slovak, ispan, ukrain) pul ishlab topgan. Ajablanarlisi shundaki, u faqatgina darsliklar va badiiy adabiyot bilan ishlagan. Uning yondashuvi matnlarni o'qish, og'zaki nutqda tez-tez ishlatiladigan barqaror iboralarni yodlash bilan birga parallel ravishda grammatikani o'rganish.

Kato Lomb tilni o'rganish uchun juda sodda, ammo samarali qoidalarni  tuzdi va ularni " Men qanday qilib tillarni o'rganaman" kitobida bayon qildi.

1. Tilni har kuni o'rganish kerak. Agar yetarli vaqt bo'lmasa, kamida 10-15 daqiqa o'qish yoki yangi iboralarni takrorlashga imkon bering. Ayniqsa, tongda o’qish o’z samarasini ko’rsatadi;

2. Agar til o'rganish istagi juda tez susayib qolsa, o'zingizni o'rganish algoritmini ishlab chiqing. Masalan, ozgina dars, keyin bir oz musiqa va qisqa tanaffus;

3. Hech qachon birgina so'zni o'rganmang, kontekstdan maksimal darajada foydalaning. Masalan, agar siz "kuchli shamol" iborasini eslasangiz, undagi  birinchi so’z ikkinchisini avtomatik ravishda yodingizga kelishiga yordam beradi;

4. Ayniqsa iboralarni yozib olish va nutqda imkon qadar ko'proq foydalanishga harakat qilish foydalidir;

5. E'tiboringizni jalb qiluvchi hamma narsani - reklama, qo'shiq parchasi, dialoglar, gazetadagi maqolalarining nomlarini ongingizga tarjima qiling;

6. Kichik matnlar va dialoglarni yodlash foydali bo'ladi. Ammo siz faqatgina grammatik to’g’ri so’zlarni yodlashingiz kerak;

7. Har qanday chet tilini alohida holda o'rganish mumkin emas. Siz qal'ani har tomondan urishingiz kerak: filmlarni tomosha qiling, adabiyotlar va gazetalarni asl nusxada o'qing, ijtimoiy tarmoqlarda shu tilni biladigan insonlar bilan aloqada bo'ling.

(Masalan, Kato Lomb rus tilini Gogolning "O’lik ruhlar" asari va  lug’at bilan o’rganishni boshladi);

8. Xatolardan qo’rqmang, tuzatilmagan xatolardan qo’rqing. Bajargan mashqlaringizni qayta-qayta tekshiring;

9. Nima bo'lishidan qat’iy nazar, siz tilni o’rganishingizga ishonch hosil qiling!

Nihoyat, 86 yoshli Kato Lomb o'zining 54 yoshli do'stini uchratganida, muhim bo'lgan iborani aytdi: "Stiv, sen juda yoshsan va hali ko'p tillarni o'rganish kerak! »