Xorijiy tillar yo‘nalishlari bo‘yicha ikkinchi oliy taʼlim olmoqchi bo‘lgan abituriyentlar diqqatiga!

✅ Taʼlim muassasalariga o‘qishga qabul qilish bo‘yicha Davlat komissiyasining 2-son majlis bayoniga ko‘ra 2020/2021 o‘quv yili uchun IKKINCHI va undan keyingi oliy maʼlumot olishga sirtqi taʼlim shaklida ruxsat etilgan OTMlarning quyidagi taʼlim yo‘nalishlari bo‘yicha taʼlim jarayoni KUNDUZGI taʼlim shaklida amalga oshiriladi:

👉 “Filologiya va tillarni o‘qitish (xorijiy tillar bo‘yicha, shu jumladan, rus tili)”;

👉 “Xorijiy til va adabiyoti (tillar bo‘yicha)”;

👉 “Ona tili va adabiyoti (rus tili va adabiyoti, rus tili va adabiyoti o‘zga tilli guruhlarda)”;

👉 “Tarjima nazariyasi va amaliyoti (tillar bo‘yicha)”;

👉 "Gid hamrohligi va tarjimonlik faoliyati (tillar bo‘yicha)".

➡ Ikkinchi oliy taʼlimga qabul uchun arizalarni ro‘yxatdan o‘tkazish ikkinchitalim.edu.uz (http://ikkinchitalim.edu.uz/) – veb-platformasi orqali onlayn amalga oshirilmoqda.

➡ Platformada yuqorida qayd etilgan yo‘nalishlar bo‘yicha ariza topshirish imkoniyati yaratildi (faqat kunduzgi taʼlim shakli bo‘yicha).

➡ 2020/2021 o‘quv yiliga respublika OTMlariga ikkinchi va undan keyingi oliy taʼlimni olish uchun fuqarolarni abituriyent sifatida ro‘yxatdan o‘tkazish muddati istisno tariqasida 2020 yil 31 avgustgacha (shu kuni ham) etib belgilangan.