Sharqiy Osiyoda 1.5 milliarddan ortiq odam yashaydi, bu dunyo aholisining beshdan bir qismidir. Mintaqa issiq va nam iqlimi, go’zal tabiati bilan ajralib turadi. Talabalar Yaponiyadagi Xokkaydo tog’ yon bag'rlaridan zavqlanib, Fuji tog’iga ko’tarilishlari yoki Okinavaning quyoshli plyajlarida vaqt o'tkazishlari mumkin. O’zining mazali (ko’pincha arzon) oshxonasi bilan ajralib turadi va talabalar qovurilgan nonlarni, ziravorlar bilan to’ldirilgan taomlarni tanovul qilishlari  mumkin. Sharqiy Osiyo davlatlarining iqtisodiyoti rivojlangan bo'lib, u dunyodagi eng yirik va gullab-yashnagan kompaniyalar uyidir. Bu talabalarni dunyoning turli burchaklaridan kelishiga asosiy sababdir.

Xitoy

   Xitoy universitetlari dunyo reytingida doimiy ravishda yuqori o'rinlarni egallab kelgan, bu esa mamlakatning oliy ta'limga bo’lgan munosabatini bildiradi. Hozirgi vaqtda Xitoyning eng martabali universiteti - bu Tsingxua universiteti. U Pekinda joylashgan va Xitoyning eng taniqli tadqiqot universitetlaridan biri sifatida shuhrat qozongan. Talabalar shaharchasi esa, o'zining go'zalligi va an'anaviy xitoy me'morchiligi bilan mashhur.

Pekin universiteti – 1898-yilda tashkil etilgan bo’lib, Xitoyning ikkinchi darajali universiteti. U AQShning Ayvi Ligasining xitoycha ekvivalenti bo'lgan nufuzli C9 Ligasining a'zosi.

Xitoyning boshqa taniqli universitetlari orasida: Fudan universiteti, Xitoy Fan va texnologiyalar universiteti, Shanxay Jiao Tong universiteti, Nanjing universiteti va Zhejiang universiteti.

Yaponiya

   Yaponiya kuchli ilmiy-tadqiqot va ishlab chiqarish sanoati tufayli dunyodagi uchinchi yirik iqtisodiy mamlakatidir. Yaponiyada ixtisoslashgan va kasb-hunar maktablarini o'z ichiga olganda 800 ga yaqin universitet mavjud. Tokio universiteti Yaponiyaning milliy universitetlaridan biri.

   Yaponiyaning eng nufuzli universitetlaridan bo’lgan Kioto universiteti 1897 yilda tashkil topgan. Kioto hozirgi kunda Yaponiyaning eng faol shaharlaridan biri bo’lib, universitet o’ziga xos xususiyatlarga ega. U o’zining texnologiyalari bilan tanilgan va iqlim o’zgarishi kabi dolzarb xalqaro masalalarda innovatsion tadqiqotlar olib bormoqda.

  Yaponiya hukumati 2020-yilga kelib mamlakatda 300.000 chet ellik talabalarni qabul qilishni maqsad qilgan. Yaponiyaning boshqa taniqli universitetlari qatoriga: Osaka universiteti, Kioto Texnologiya instituti, Tokio Texnologiya instituti, Toxoku universiteti va Nagoya universitetlari kiradi.

Janubiy Koreya

   Seul-talabalar shahri. Bu mamlakatda Seul milliy universiteti, Sungkyunkwan universiteti, Koreya universiteti va Yonsei universiteti kabi eng yuqori martabali universitetlari joylashgan. Seul milliy universiteti 1946-yilda, poytaxtdagi 10 dan ortiq oliy o'quv yurtlarining birlashishi natijasida tashkil topgan. Bir qator xalqaro universitetlar talabalari uchun 800 dan ortiq akademik almashinuv dasturlari mavjud.

Janubiy Koreya, shuningdek, Koreyaning ilg'or fan va texnologiyalar instituti va Poxang fan va texnologiya universiteti kabi universitetlari bilan mashhur. KAIST 1971-yilda Koreya hukumati va Amerika akademiklari va siyosatchilari jamoasi tomonidan tashkil etilgan. POSTECH Kaliforniya Texnologiya Institutida modellashtirilgan.

Tayvan

   Tayvan dunyodagi yetakchi texnologiyalarga ega mamlakat. Shuningdek, kuchli oliy ta'lim dasturlari tufayli "Osiyo yo'lbarslari" nomiga (Osiyoda o'z iqtisodiyoti tez sur'atlar bilan rivojlantirayotgan to'rtta davlatga) ega bo'ldi.

Xsinchu Ilmiy instituti, Milliy Tsing Xua Universiteti va Milliy Cheng Kung Universiteti kabi universitetlar mavjud. Uchchala universitet ham texnologiyalarni o'rganish uchun yaxshi maskan. U yerda ta’niqli: fizika va kimyo bo'yicha Nobel mukofoti laureatlari, sobiq va hozirgi prezidentlar, kompaniyaning bosh direktorlari bilim olishgan.

Boshqa yuqori martabali universitetlarga quyidagilar kiradi: Milliy Yang-Ming Universiteti, Taypey Tibbiyot Universiteti, Tayvan Milliy Fan va Texnologiya Universiteti, Taypey Milliy Texnologiya Universiteti, Milliy Chengchi universiteti va Fu Jen katolik universiteti.

Gonkong

   Gonkongda kam sonli universitetlar mavjud, ammo ularning barchasi yuqori sifatli ta'lim berish bilan tanilgan. Gonkong universiteti eng yaxshi universitet bo'lib, o'qitish va ilmiy izlanishlar bo'yicha tan olingan oliygohdir. Universitet ayniqsa, stomatologiya, tilshunoslik, geografiya va ijtimoiy siyosatdan ta’lim berishi bilan boshqalaridan ajralib turadi.

Gonkongning diqqatga sazovor boshqa universitetlari: Gonkong Fan va Texnologiya Universiteti, Xitoy Gonkong universiteti va Gonkong shahar universitetidir.