Endi davlat granti asosida test sinovlari va kasbiy (ijodiy) imtihonlarsiz toʼgʼridan-toʼgʼri oʼqishga qabul qilinadilar. Ular kimlar?

Omina Sharipova 14-03-2020

Davlat granti asosiga o'quvchilar oliy ta'lim muassasasiga qabul qilinadilar

  • 149
  • 0

Oʼzbekiston Respublikasi Prezidentining “Oʼzbekistonda futbolni rivojlantirishni mutlaqo yangi bosqichga olib chiqish chora-tadbirlari toʼgʼrisida” 2019 yil 4 dekabrdagi PF-5887-son Farmoniga muvofiq yuqori iqtidorga ega boʼlgan yosh futbolchilarni tanlash, saralab olish va ularni professional sportchilar sifatida tayyorlash tizimini yoʼlga qoʼyish, xalqaro talab va standartlar asosida futbol boʼyicha mutaxassislarni tayyorlash maqsadida Vazirlar Mahkamasi qaror qabul qildi. Unga ko’ra:

·         Professional futbol klublari qoshidagi Oʼzbekiston Respublikasi Davlat byudjeti mablagʼlari hisobidan moliyalashtiriladigan bolalar-oʼsmirlar futbol maktablari, Oʼzbekiston futbol assotsiatsiyasi huzuridagi bolalar va oʼsmirlar futbol akademiyalari negizida tashkil etilayotgan Oʼzbekiston Respublikasi Jismoniy tarbiya va sport vazirligi huzuridagi futbol mahorat maktablari

·         professional futbol klublari qoshidagi bolalar-oʼsmirlar futbol maktablari negizida tashkil etilayotgan bolalar va oʼsmirlar sport maktablari

·         Futbol mahorati maktablari oʼquvchilari uchun sutkalik oziq-ovqat normasi tashkillashtiriladi.

Аkademiyaning asosiy vazifalari:

futbol boʼyicha yuqori iqtidorga ega boʼlgan yosh futbolchilarni saralab olish (selektsiya) tizimi, ularni oʼqitish, tarbiyalash va individual xususiyatlarini rivojlantirish, futbol sohasidagi sport qobiliyatini shakllantirish;

bolalar-oʼsmirlar futbolini rivojlantirish uchun ishonchli zaxirani shakllantirish, isteʼdodli va iqtidorli bolalarni futbolga jalb etish va futbol boʼyicha salohiyatini doimiy ravishda oʼstirib borish, ularda sogʼlom turmush tarziga intilishni uygʼotish;

professional futbolchilarni tayyorlash tizimini tashkil etish, yurtimiz futbolini futbol rivojlangan mamlakatlar bilan xalqaro darajada raqobat qiladigan darajaga yetkazish, turli yosh toifasidagi respublika terma jamoalari va professional futbol jamoalariga yetuk futbolchilarni tayyorlash;

akademiya davlat byudjeti mablagʼlari hisobidan moliyalashtiriladigan boshlangʼich professional davlat sport-taʼlim muassasasi hisoblanadi va uning faoliyati futbol boʼyicha qobiliyatli va iqtidorli yosh futbolchilarni tanlab olish va ularni asosan milliy terma jamoalarga, shuningdek professional futbol jamoalariga professional futbolchi sifatida tayyorlashga yoʼnaltiriladi;

akademiya oʼquvchilari akademiyada oʼqish davomida futbol boʼyicha Oʼzbekiston milliy terma jamoasining zaxira tarkibi hisoblanadi;

akademiyada oʼquvchilar soni 132 nafarni tashkil etib, taʼlim jarayoni ikki bosqichda (umumiy oʼrta taʼlimning tayanch taʼlimi (VI-IX sinflar) hamda umumiy oʼrta taʼlim bosqichlarida boshlangʼich professional taʼlim (X-XI sinflar) darajasida futbol mahorati maktablari uchun belgilangan taʼlim dasturlari asosida) amalga oshiriladi;

akademiyaning IX sinf bitiruvchilariga davlat namunasidagi umumiy oʼrta taʼlim toʼgʼrisidagi shahodatnoma hamda XI sinf bitiruvchilariga futbol boʼyicha trener mutaxassisligidan boshlangʼich professional taʼlim toʼgʼrisida davlat namunasidagi diplom beriladi;

akademiya bitiruvchilari Oʼzbekiston davlat jismoniy tarbiya va sport universitetining “Sport faoliyati: futbol” bakalavriat taʼlim yoʼnalishi sirtqi taʼlim shakliga istisno tariqasida qoʼshimcha davlat granti asosida test sinovlari va kasbiy (ijodiy) imtihonlarsiz toʼgʼridan-toʼgʼri oʼqishga qabul qilinadilar;

akademiya oʼquvchilariga bepul taʼlim olish, futbol mahorati maktabining oʼquvchilari uchun bir kunlik oziq-ovqat meʼyorlariga muvofiq oziq-ovqat bilan taʼminlanish hamda akademiyaning oʼquvchilar turar joyida bepul yashash huquqi beriladi.

Fikrlar