Dasturlash olamiga endi kirib kelgan insonda turli hil savollar paydo bo’lishni boshlaydi. Yangi olam, yangi qarashlar, yangi fikrlar. Bu albatta insonda savollar tug’ilishiga sababchi bo’lishi tabiiy. Mutaxassis bo`lsada, endi dasturlash olamiga kirib kelgan vaqtida savollari juda ko’p bo`ladi. Shuning uchun, yangi sohaga kirib kelishdan boshlab, uni qanday samarali o’rganish hamda ish topish jarayonigacha bo’lgan holatdagi maqolalarni doim o`qib boring.

Bu maqolada siz veb-dasturlashning asoslaridan biri bo’lgan Front-End haqida ma’lumotga ega bo’lasiz.

#Front-End nima ?

Front-End haqida yozishdan oldin sizga kichik bir narsa haqida ma’lumot berib o’tmoqchimiz. Veb sahifani kodlashtirish asosiy ikki qismga bo’linadi. Front-End va Back-End. Back-End dasturlovchi veb-saytning bazasi, serveri va shunga o’xshash ishlari bilan shug’ullanandi. Back-End so’zning ma’nosidan ham ma’lumki bu yo’nalishdagi dasturchi asosan foydalanuvchiga ko’rinmaydiga ishlar bilan shug’ullanadi. Back-End haqida ko’proq keyingi maqolalarda o’qishingiz mumkin, hozir esa Front-End haqida.

Front-End dasturlovchi veb-saytning foydalanuvchiga ko’rinadigan qismini tayyorlash bilan shug’ullanadi. Masalan siz veb-saytlarda ko’radigan oddiygina tugma uchun ham Front-End dasturlovchi mehnat qilib kod yozadi. Ya’ni siz brauzer orqali ekranda ko’rib turadigan barcha narsani tayyorlash Front-End dasturchining vazifasi va mana shu tayyorlangan ishlarning jamlanmasi veb-saytning Front-End qismi deyiladi. Yanada soddaroq tushuntiradigan bo’lsam siz veb-sayt nomini brauzerga yozib, veb-saytga kirganingizda sizga ko’rinib turgan qismi Front-End qismi hisoblanadi.

Yuqorida o’qiganingizdek barchasi juda oddiy. Kelasi maqolada Front-End dasturchining asosiy vazifasi, bilishi kerak bo’lgan dasturlash tillari va kutubxonalari haqida o’qishingiz mumkin bo’ladi.

IT kurslari bo`limi