РУ
Barcha yo‘nalishlar
Oliy va o‘rta maxsus ta’lim vazirligi hamda O‘zbekistonning Benilyuks mamlakatlaridagi elchixonasi vakillari Belgiyaning “United Brussels Institutes” (UBI) institute rahbariyati bilan onlayn muzokaralar o‘tkazdi, deb xabar bermoqda “Dunyo” AA muxbiri.
Muzokaralarda Belgiya tomonidan UBI institute boshqaruvchisi direktori J. Lim, amaliyot direktori L. Kazda va biznes maktab dekani, hamyurtimiz M. Aminova ishtirok etdi.
O‘zbekiston delegatsiyasiga oliy va o’rta maxsus ta’lim vaziri o‘rinbosari U. Begimqulov boshchilik qildi.
Uchrashuvdan ko‘zlangan maqsad - Buxoro davlat universiteti qoshida tashkil etiladigan Xaqaro fakultet faoliyatini tashkil qilish masalalarini muhokama qilishdan iborat, Qayd etilishicha, UBI bilan hamkorlikda tashkil qilinadigan ushbu fakultetda qator xorijiy universitetlar o‘qituvchilari dars beradi.
UBI 1992-yil aprel oyida Bryusselda notijorat oliy o‘quv yurti sifatida tashkil etilgan. Belgiyada Britaniyaning Middleseks universiteti tomonidan bakalavriat va magistratura yo‘nalishida tasdiqlangan dasturlarni taklif qilgan birinchi ingliz tilidagi biznes maktabidir. Universitetda dunyoning 50 mamlakatidan kelgan talabalar tahsil oladi va ularga UBI hamda Middleseks oliy o‘quv yurtlari diploma beriladi.