Toshkent shahridagi ««Moskva energetika instituti» oliy taʼlim muassasasi filiali abituriyentlardan hujjatlar qabul qilishni boshladi

➡ Toshkent shahridagi ««Moskva energetika instituti (MEI)» Milliy tadqiqot universiteti» Federal davlat byudjeti oliy taʼlim muassasasi filiali 2020-yil 1-iyuldan 31-iyulgacha abituriyentlardan hujjatlar qabul qilishni boshladi.

➡Аbituriyentlar quyidagi elektron manzil boʼyicha roʼyxatdan oʼtishlari mumkin:

 👉 http://qabul.mpei.uz/

➡2020/2021 oʼquv yilida abituriyentlarga qulay shart-sharoitlar yaratish maqsadida, ular roʼyxatdan oʼtish uchun elektron portal orqali quyidagi hujjatlarni taqdim etishlari lozim:

1. Fuqarolik pasporti foto nusxasi (surati, shaxsiy maʼlumotlari va amal qilish muddati aks ettirilgan);

2. Oʼrta maxsus, kasb-hunar taʼlimi toʼgʼrisidagi diplomi yoki attestat (11-sinfni tugatganligi haqida);

3. Аbituriyent fotosurati (3×4 shaklda, 300 dpi).

➡ kirish imtihonlaridan soʼng talabalikka tavsiya etilgan abituriyentlar Filial qabul komissiyasiga yuqorida qayd etilgan hujjatlarning rus tiliga tarjima qilingan va notarial tasdiqlangan nusxasini taqdim etishlari lozim boʼladi. Ushbu tartib haqida keyinchalik batafsil maʼlumot beriladi.

➡Koronavirus pandemiyasini hisobga olib, abituriyentlarga qulaylik yaratish maqsadida, 2020/2021 o'quv yili uchun kirish imtihonlari miqdori(soni) maqbullashtirildi (soddalashtirildi).

➡Ushbu ta'lim muassasasiga bakalavriatning barcha taʼlim yoʼnalishlarida kirish imtihonlari quyidagi ikkita fan boʼyicha oʼtkaziladi:

1. Matematika;

2. Rus tili.

❗Kirish imtihonlari 2020-yil 15-avgustdan 25-avgustgacha boʼlgan muddatda oʼtkaziladi.