AKFA universitetining 2020/2021 o'quv yiliga hujjat qabul qilish 1 apreldan 15 iyungacha to'liq onlayn tartibda amalga oshiriladi.

Joriy o'quv yilida ta'lim maskani 100 nafar talabani qabul qiladi. Ularning faqat tibbiyot yo'nalishida tahsil olishlari ko'zda tutilgan.

Qabul jarayonida quyidagi hujjatlarning elektron nusxasi talab etiladi:

- shaxsni tasdiqlovchi hujjat (pasport);

- o'rta va o'rta maxsus ta'lim haqidagi hujjat - shahodatnoma, - diplom, diplom olinmagan bo'lsa - o'qishni tugatganligi haqida ma'lumotnoma;

- IELTS (minimum 5.5 ball) yoki TOEFL ekvivalenti.

AKFA universiteti tashkil etilganiga bor yo'g'i 1 yil bo'ldi. Ta'lim maskani yosh bo'lishiga qaramay, unga xorijlik talabalarning qiziqishi juda baland. 2020-2021 o'quv yili qabul jarayonlari boshlanmasidan, 20ga yaqin abiturientning mazkur oliygohga hujjat topshirgani buning yaqqol dalilidir. Ayni kunlarda ularning hujjatlari ko'rib chiqilmoqda. Hozirgi kunda AKFA universitetida 152 nafar, xususan, 16 nafar koreyalik talaba tahsil olmoqda.

Boshqa tafsilotlar bo'yicha to'liq ma'lumot www.akfauniversity.uz veb-saytida beriladi.

Qabul jarayoni bilan bog'liq qo'shimcha savollaringiz bo'lsa, universitetning ijtimoiy tarmoqlardagi rasmiy sahifalariga yozishingiz mumkin:

Telegram: @akfauniversity

Facebook: fb.com/akfauniversity

Instagram: instagram.com/akfauniversity

Youtube: youtube.com/akfauniversity