РУ
Barcha yo‘nalishlar
Matematika yo‘nalishida taʼlim olayotgan talabalar va tadqiqotchilar uchun Akademik Toshmuhammad Aliyevich Sarimsoqov nomidagi stipendiya joriy etildi.
Stipendiya respublika oliy taʼlim muassasalarida Matematika taʼlim yo‘nalishlarida 2-kursni tugatgan bakalavriat, 1-kursni tugatgan magistratura talabalari va 1-bosqichni tugatgan tayanch doktorantlarga tayinlanadi.
✅ 2020-2021 o‘quv yili uchun Akademik T.A.Sarimsoqov nomidagi stipendiya kvotasi:
👉 5 nafar bakalavriat talabasi uchun (10 oy muddatga har oyda 750 ming so‘mdan);
👉 5 nafar magistrant uchun (10 oy muddatga har oyda 1 mln. so‘mdan);
👉 5 nafar tayanch doktorant(2021 yil uchun 10 oy muddatga har oyda 1,5 mln. so‘mdan) uchun belgilandi.
Stipendiya O‘zbekiston Respublikasi Prezidentining 2020 yil 7 maydagi “Matematika sohasidagi taʼlim sifatini oshirish va ilmiy-tadqiqotlarni rivojlantirish chora-tadbirlari to‘g‘risida”gi PQ-4708-sonli (https://lex.uz/docs/4807552) Qarori asosida Matematika instituti huzuridagi Matematika fani va taʼlimini rivojlantirishni qo‘llab-quvvatlash Jamg‘armasi tomonidan taʼsis etildi.