Jahon iqtisodiyoti va diplomatiya universiteti bakalavriat yo‘nalishlariga o‘qishga qabul qilishda dastlabki imtihonni o‘tkazish O‘zbekiston Respublikasi Vazirlar Mahkamasining 2018-yil 28-iyuldagi “Jahon iqtisodiyoti va diplomatiya universitetining bakalavriat va magistraturasiga qabul qilish tartibi to‘g‘risidagi nizomni tasdiqlash haqida”gi Qaroriga asosan amalga oshiriladi.

Bugungi kundagi pandemiya holatidagi vaziyatdan kelib chiqib, 2020-2021 o‘quv yili JIDU bakalavriat yo‘nalishlariga o‘qishga qabul qilishda dastlabki imtihon masofaviy onlayn tarzda o‘tkazilishi rejalashtirlmoqda.

Abituriyentlar JIDU abiturientlarini elektron ro‘yxatga olish tizimida onlayn ariza to'ldirishadi (https://admission.uwed.uz) va ro‘yxatga olish paytida talab qilinadigan hujjatlarning elektron nusxasini yuklaydi va o‘z navbatida dastlabki imtihonga yo‘llanma oladi. Ro‘yxatga olingandan so‘ng, Abituriyent dastlabki imtihon sanasi, vaqti va tizimga kirish uchun loginini oladi. Olingan login yordamida abituriyent ushbu tizimdan parolni (https://admission.uwed.uz) dastlabki imtihon kuni imtihon boshlanishidan 1 soat oldin va imtihon tugagunga qadar olishi mumkin bo‘ladi.

Abiturient belgilangan vaqt oralig‘da ushbu imkoniyatdan foydalanmasa qaytib imtihonga qo‘yilmaydi.

Dastlabki imtihonga https://test2020.uwed.uz manzil orqali kiriladi.

Dastlabki imtihon quyidagilarni belgilovchi savollarning uch blokidan iborat bo‘ladi:

1. Intellektual darajani aniqlash (kompyuterda onlayn IQ test sinovlari, 40 ball):

·        mantiqiy va keng fikrlash darajasini aniqlash;

·        turli tushunchalar bilish darajasini aniqlash;

·        faktlarni taqqoslash hamda ularning o‘rtasidagi o‘zaro bog‘liqlikni topish darajasini aniqlash; 

2. Ona tilini bilish darajasini aniqlash (O‘zbekiston madaniyati, san’ati, tarixi, geografiyasiga oid va boshqa masalalar yuzasidan savodli va asosli tushuntirish qobilyati - 100 so‘zdan iborat qisqacha esse, 30 ball):

·        Abituriyent esseni to‘g‘ridan-to‘g‘ri masofaviy ta’lim tizimida bajaradi.

3. Xorijiy tillarni (ingliz, fransuz va nemis tillari) bilish darajasini aniqlash (O‘zbekiston madaniyati, san’ati, tarixi, geografiyasiga va boshqa sohalarga oid masalalar yuzasidan savodli va asosli tushuntirish qobilyati - 100 so‘zdan iborat qisqacha xorijiy tilda esse, 30 ball):

·        Abituriyent esseni to‘g‘ridan-to‘g‘ri masofaviy ta’lim tizimida bajaradi.

Dastlabki imtihonning maksimal ballari miqdori 100 ballni tashkil etadi. Barcha savollar bo‘yicha umumiy 50 ball va undan yuqori ballni to‘plagan abiturientlarga JIDUga o‘qishga kirish uchun Davlat test markazi tomonidan o‘tkaziladigan bakalavriatga kirish test sinovlarini belgilangan tartibda topshirishlariga ruxsat beriladi.

Jahon iqtisodiyoti va diplomatiya universitetidagi mavjud ta’lim yo‘nalishlari va ularga mos test topshiriladigan fanlar majmuasinining ikkinchi bo‘limi quyidagicha belgilangan:

Dastlabki sinov imtixoni “Savollar kitobi” namunasini yuklab olish uchun ushbu manzilga kiring:  https://uwed.uz/uz/pages/bachelor-degree